"पहिली गोष्ट म्हणजे जिला आपण अनादी काळापासून मातृभूमी मानीत आलो आहोत, तिच्याविषयी ज्वलंत निष्ठा. दुसरी गोष्ट म्हणजे आपण या थोर मातेची लेकरे आहोत, या जाणिवेतून निर्माण झालेला स्नेहभाव व भातृभाव आणि तिसरी गोष्ट म्हणजे समान संस्कृती व वारसा; समान इतिहास, परंपरा व आकांक्षा यामधून उत्पन्न होणाऱ्या समान राष्ट्रीय जीवनाची उत्कट जाणीव - जीवनमूल्यांची ही त्रिमूर्ती, थोडक्यात म्हणजे हिंदू राष्ट्रजीवन हाच आपल्या राष्ट्रमंदिराचा भक्कम आधार आहे."
हिंदू राष्ट्रजीवनाचे जे सखोल, सर्वांगीण आणि संजीवक प्रतिपादन श्रीगुरूजींनी देशभर सर्वत्र केले, त्याच्या कळसाप्रमाणे असलेली एक अतिउदात्त राष्ट्रीय आकांक्षा संक्षेपाने निवेन करून हे काहीसे लांबलेले विवेचन पुरे करतो.